Locations of visitors to this page

English Беларуская мова Русский язык










9-струнныя лірападобныя гуслі XIII века (модэрнізаваныя)

$465

(прададзеныя, але заўсёды можна замовіць сабе падобныя)

(гэтыя едуць у Данію)


Звязацца з майстрам і замовіць інструмент

Лірападобныя гуслі [гуслі з ігравым вакном] — самая старадаўняя разнавіднасць гусляў. Аб інснаванні гусляў такога кшталту не было аніякіх сведчанняў да 1957 года. У 1957 годзе на Нярэўскім раскопе в Ноўгарадзе архэолагі знаходзяць надзвычай прыгожы музычны інструмент. Степень захаванасці — дастатковая для довалі дакладнага аднаўлення. Датаванне: першая палова XIII ст. Перад вамі рэканструкцыя гэтых гусляў. На сённяшні дзень в Расіі, Украіне і Польшчы зноёдзеныя фрагменты ужо 20 лірападобных гусляў XI—XIII стст, што дазваляе казаць пра лірападобныя гуслі як пра шырокую культурную з'яву таго часу.

З "нярэўскай" знаходкай звязаныя некалькі памылковых поглядаў, якія спарадзіла "вольная" рэстаўрацыя арыгіналу. Сярод шэрагу дапушчэнняў, там был дададзены 9-й калок і, адпаведна, 9-я струна, якой насамрэч не было.

Часта, калі мяне просяць зрабіць рэканструкцыю гэтых гусляў, кажуць: хачу 9 струн, як у музэі. Ды й увогуле: у маладых выканаўцаў ёсць дзіўнае памкненне займець гуслі на як можна большую колькасць струнаў. Імкнуся адгаворваць, але часам згаджаюся вырабіць падобныя гуслі з 9-ю струнамі.

А бывае, просяць: "мне абавязкова, каб металічныя калкі былі, і каб ключыкам круціліся". Вось так апынулася і на гэты раз. Я адразу ўявіў: у які грувасткі жах з тоўстым вірбельбанкам і фартэпіяннымі вірбелямі — ператворыцца некалі танюткі, прыгажэнны, з выразанымі птушкамі — адкрылак "нярэўскіх" гусляў... І прыдумаў элегантнае вырашэнне, як сумясціць несумеснае — даўнюю гісторыю і сучаснасць. Адкрылак інструмента пакінуў абсолютна гістарычным, а мадэрн зрабіў з супрацьлеглага боку. На шчасце ў арыгінальнай "нярэўскай" знаходцы невядомы сярэднявечны аўтар пакінуў дастаткова таўшчыні для такой ідэі. Спярша засмучала, што калкі будуць з абодвух бакоў: драўляныя ў адкрылку, металічныя ў пятцы. Сумнеў быў: ці будзе зручна. Але першы ж досвед наладжвання струн сумневы адкінуў. Зручна — не тое слова! Хуткая падстройка драўляных калкоў руками, больш дакладная — вірбелямі знізу ключом. Інструмент выглядае са сцэны як 100% гістарычны, увесь мадэрн хаваецца на каленях музыканта. Я застаўся задаволены і зручнасцю, і гучаннем, і гатовы гэтую мадель вырабляць і надалей. Сюды бы яшчэ датчык урэзаць — і увогуле цудоўнае рашэнне было бы для гурта сярэднявечнай музыкі. Замаўляйце! Хоць я заўсёды на баку поўнай рэканструкцыі ў дэталях.

Корпус: елка.
Елка — ідэальны варыянт для карпусов лірападобных гусляў. З прычыны асаблівасцяў канструкцыі лірападобных гусляў матэрыял корпуса ў іх павінны валодаць усімі ўласцівасцямі, якімі ў больш позніх інструментах валодае галасная дошка, дэка. Пакрыццё: васкаванне.

Галасная дошка: дуб.
Дуб — адзіны варыянт дрэва для галосной дошкі лірападобных гусляў. Гэта абумоўлена незвычайнай канструкцыей лірападобных гусляў, якая прасочваецца ва ўсіх археалагічных знаходках.

Калкі: клён.
Клён цікавы як матэрыял для калкоў тым, што волокны ў яго не выразныя, ён цвёрды, але ў той жа час паверхня клёну досыць мяккая для таго, каб калкі цудоўна падладзіліся пад канічную калковую адтуліну, плаўна круціліся і ідэальна трымалі строй.

Струны: голыя стальныя,
нацяжэнне сярэдняе, танальнасць до мажор.

Металічныя струны магчыма стаялі нават на арыгінальных гуслях "Славіша" XI стагоддзя, і найбольш пасуюць сучаснаму музыканту. Сячэнні струн у камплекце вар'іруюцца ад 0.021" да 0.011".

Футляр:
У камплекце каркасны сумачны футляр. Звонку воданепранікальная тканіна, а ўсе сценкі пракладзены двума слаямі пенкі і слоем цвёрдага пластыка. Лепшая комплексная абарона інструмента ад вады, падзенняў і ўдараў. Зручныя шлейкі для пераноскі за спіной, мяккія ручкі для гарызантальнай і вертыкальнай пераноскі. Адно ўнутранае аддзяленне пад настроечныя ключы.

Звязацца з майстрам і замовіць інструмент


Алесь Чумакоў. Мінск. 2024 год.
Рамеснік Чумакоў Аляксандр Аляксандравіч, УНП: AB7480283