Locations of visitors to this page

English Беларуская мова Русский язык


11-струнныя крылападобныя гуслі альтовыя з п'езагуказдымальнікам

$515

(прададзеныя, але заўсёды можна замовіць сабе падобныя)
(гэтыя ляцяць у Канаду)


Звязацца з майстрам і замовіць інструмент

Крылападобныя гуслі [гуслі з адкрылкам] адзін з найбольш распаўсюджаных тыпаў традыцыйных гусляў у Латвіі і Расіі, сустракаецца ў Эстоніі, а таксама гэто адзіны традыцыйны тып гусляў у Беларусі. Хоць традыцыя грання на гуслях у Беларусі перапынілася, інструменты, на якіх гралі беларусы, можна сустрэць у музеях і нарысах даследчыкаў этнаграфіі Беларусі пачатку XX стагоддзя.

Корпус: вольха.
Вольха, нароўні з елкай і сасной, — найбольш традыцыйны матэрыял для карпусоў гусляў усіх відаў і традыцый. Да прыкладу, з вольхі зроблены корпус беларускіх гусляў з калекцыі Е. Р. Раманава (Расійскі этнаграфічны музей). Гуслі з альховымі карпусамі збалансаваны па тэмбрах і гучнасці. Такія інструменты моцныя і надзейныя.
Пакрыццё: бейц плюс васкаванне. На адкрылку выразаны сымбаль тыповы для беларускага народнага арнаменту.

Голасная дошка: елка.
Елка — найбольш традыцыйны варыянт дрэва для голасной дошкі. Правільны падбор музычных асаблівасцяў асобнай голаснай дошкі з елкі, і прытрымлівацца тэхналогіі пры прыклеіванні — дазваляе інструменту тэмбральна раскрыцца, дадае ў гучанне цеплыні. А таксама ад добрай дэкі наўпрост залежыць гучнасць інструмента.

Калкі: груша.
Груша — ідэальны матэрыял для калкоў. Груша вельмі цвёрдае дрэва, але ў той жа час паверхня грушы досыць мяккая для таго, каб калкі цудоўна падладзіліся пад канічную калковую адтуліну, плаўна круціліся і ідэальна трымалі строй.

Струны: голыя стальныя, нацяжэнне слабое.
Металічныя струны магчыма стаялі яшчэ на гуслях XI стагоддзя, і найбольш падыходзяць сучаснаму музыканту. Сячэнні струн у камплекце сярдняга нацяжэння вар'іруюцца ад 0.026" да 0.013". Чым вышэй нацяжэнне струн, тым гучней інструмент. Чым слабейшае нацяжэнне, тым больш абертонаў у гуку кожнай струны, тым багацей гучаць гуслі. Вядома, усяму ёсць свая разумная мяжа: занадта моцна нацягнутыя струны рвуцца (або псуюць інструмент), а занадта слаба нацягнутыя не граюць стройна. Прапанаваны тут варыянт аптымальны для гэтай мадэлі гусляў.

Настройка: альтовая.

D-E-G-A-B-c-d-e-f-g-a
(Рэ-мі-соль-ля-сі-до-рэ-мі-фа-соль-ля).

Асноўныя танальнасці: Am (ля мінор), С (до мажор), G (соль мажор). Гэтыя гуслі гучаць значна ніжэй звычайных, хоць дыяпазон і адрозніваецца ўсяго дзвюма новымі басовымі струнамі 1-D и 2-E.
Дзеля параўнання звыклы строй гусляў:

G-A-c-d-e-f-g-a-b-c'-d'
(Соль-ля-до-рэ-мі-фа-соль-ля-сі-до-рэ).

На гэтым адрозненні скончваюцца. Уся аплікатура, уся тэхніка - ідэнтычны. Як быццам вы выкарыстоўваеце гітару з кападастрам.

Датчык:
шмат год эксперыментаў з падгучкай гусляў на сцэне, прывялі мяне да гэтай мадэлі п'езагуказдымальніка. Тут ідэальна выгучаны аксамітныя, тыповыя для гусляў басы, што з дапамогай мікрафону звычайна немагчыма на сцэне з-за зваротнай сувязі. Тут падкрэсленая атака, але не замоцна - чым грэшныя звычайна ўсе альтэрнатыўныя варыянты здымання. Я па-ранейшаму застаюся прыхільнікам падгучкі гусляў на сцэне мікрафонам. Мікрафон перадае ўсё багацце гучання гусляў. Але датчык - гэта вельмі зручна. Часта дазваляю сабе здымаць гуслі толькі з дапамогай датчыку. Але найлепшым варыянтам паднучкі ёсць мікс п'езагуказдымальніку і мікрафону.

Футляр:
У камплекце каркасны сумачны футляр. Звонку воданепранікальная тканіна, а ўсе сценкі пракладзены двума слаямі пенкі і слоем цвёрдага пластыка. Лепшая комплексная абарона інструмента ад вады, падзенняў і ўдараў. Зручныя шлейкі для пераноскі за спіной, мяккія ручкі для гарызантальнай і вертыкальнай пераноскі. Дзьве вынасныя кішэні фармату A4, адно ўнутранае аддзяленне для дробязяў.

Плецены пас для грання стоячы:
Традыцыйны пас, плецены на бёрда.

Прыклад гучання альтовых гусляў:



Звязацца з майстрам і замовіць інструмент


Алесь Чумакоў. Мінск. 2020 год.
Рамеснік Чумакоў Аляксандр Аляксандравіч, УНП: AB7480283